มาฆะนักขัตตถยุตตายะ                   ปุณณายะปุณณะมายังโย

       อะระหัง สัมมาสัมพุทโธ                   ภะคะวา โคตะโมหะโย

       สุทธานันตะทะยาญาโณ                  สัตถา โลเก อะนุตตะโร

       วิหะรันโต ราชะคะเห                       มาฆะทานัง คิริพภะเย

       วิหาเร เวฬุวันนัมหิ                          กะลันทะกะนิวาปิเย

       สังฆัสสะสันนิปาตัมหิ                      อุตตะเม จะตุรังคิเก

       อัฑฒะเตระสะหัสเสหิ                      ภิกขูหิ ปะริวาริโต

       ตีหิ คาถาหิ สังขิปปัง                       สัพพัง พุทธานะสาสะนัง

       สะโมสาเรหิ โอวาทัง                       ปาฏิโมกขัง อะนุตตะรัง

       ตะเมวัมภูตะสัมพุทธัง                      สักขีณาสะวะสาวะกัง

       จิระการะมะตี ตัมปิ                          ปะสาเทนะ อะนุตตะรัง

       อะยัมปิ ปะริสา สัพพา                      ปะสันนา ธัมมะคามินี

       สัมปัตตาตาทิสักการัง                      สุนักขัตตัง สุมังคะลัง

       ทีปะธูปาทิสักกาเร                          อะภิสัชชิ ยะถาผะลัง

       เตหิ ปูเชตะเวหัตถะ                        ตุฏฐา อิธะ สะมาคะตา

       อะภิวันทะติ ปูเชติ                          ภะคะวันตัง สะสาวะกัง

       กาเลนะ สัมมุขีภูตัง                        อะตีตารัมมะนัตตะนา

       โอสาเรนตัง ปาฏิโมกขัง                  วิสุทธักขะมุโปสะเถ

       อิโตชะเน สุปุญเญนะ                     โสตถี โหนตุ สะทาปิโน

       สาสะนัง สัตถุ อัมหากัง                   จิรัง ติฏฐะตุตาทิโน....ติ